翻版陳喬恩

「的骰龔嘉欣」身穿小背心透心涼。

• 
• 
• 
• 

「翻版陳喬恩」變幻球露疤

港姐昨日進行複試，佳麗「胸」群而出博入圍。本報早前預告入圍的「飛釘千語」劉溫馨、「D Cup曾寶儀」Karen、「翻版陳喬恩」Xenia及「德國Bra妹」Sisley等扮靚靚見人，其中Xenia更谷出「露疤湯碗胸」幾乎上頸，率先贏得「最上『頸』小姐」。

無綫昨日為港姐參賽者進行複試，59名佳麗部分盛放「胸」前！露腰、露Bra邊乜都有，其中谷出湯碗胸的「翻版陳喬恩」Xenia，本來低胸露背已甚具睇頭，再加上「腋下奇疤」怪招搶鏡，谷起的雙峰亦見邊高邊低，變幻程度叫畏胸者昏迷。不過，她所穿的高踭鞋疑因腳大鞋小，腳趾紛紛「溜」出，略嫌不雅。而被傳整容的「D Cup曾寶儀」Karen再以低胸Tube Dress迎戰，並攤大手板否認整容。對於有傳因男友與無綫高層樂易玲認識而內定有獎，她說：「我唔識（樂易玲）。」另一佳麗、擁有健康古銅膚色的歐陽Tam亦以低胸裝谷行事業線搶鏡。

「德國Bra妹」攬佬係前度

反觀曾以透視裝曬黑Bra的「德國Bra妹」Sisley，昨日素顏上陣且改玩端莊。對有指愛攬洋漢，她解釋對方是前度男友。被揭曾在內地任奧運火炬手的劉溫馨以黃色「娘土味」套裝登場；「青春空姐」龔康妮以青春打扮出席；曾任職無綫娛樂新聞台的魏嘉琳亦順利入圍。不過，被指貌似何超蓮的「迷人Jenny」昨日無影無蹤。

無綫高層余詠珊、陳旭亮及何冠中為港姐複試任評審，無綫外事部副總監曾醒明指今年將從本地及海外選出16至18名佳麗，七月初公布候選名單，集訓後會到歐、亞八大城市拍外景。對於昨日沒有現身的佳麗，曾醒明說：「部分係通知咗但冇嚟，部分係唔想上鏡，佢哋會以另外方式見評審。」