周潤發(發哥)行山都被集郵,被要求拍照片

  4月18日

一張係今日影嘅，一張係上月中影嘅，請找到不同之處。
「發哥呀!發哥同我影張相得嘛？」得，通常都得，周潤發發哥出名親民又nice，有時令人覺得，發哥「老是常出現」九龍城街市同街坊打牙骹，遠比特首落區吸引得多。可惜發哥無意從政，否則做番個「民間特首」，幾好呀。

噚日母親節，發哥去咗城門水塘行山影相嗰陣，已經被集郵；今日楊怡、韓馬利同袁偉豪等人《On call 36小時II》外景，又撞到發哥喇！唔止呀，同劇演員黃智雯都要黐住發哥影埋一份！

上次係4月18日，又係《On call II》，組合係楊怡、吳啟華同朱千雪變身小fans同發哥合照，今次輪到Mary姐同袁偉豪，「鐵腳」仍是楊怡。第一次集郵成功，楊怡已連聲話自己係「幸運羊」；今次再遇，楊怡寫道﹕「我又和偶像見面啦，再眼瞓都值得啦!」

係喎，去年台慶，楊怡憑《名媛望族》爭視后，當時發哥已經話睇好佢攞，結果真係攞咗。就連影合影，都可以短短一個月內俾楊怡撞到兩次，無論發哥個look、楊怡件衫、合照嘅甫士同企位，都完全一樣。幸運羊真係幸運羊呀!

                                                   

                                                    5月13日

噚日去城門水塘行山時，又亦集郵。

袁偉豪今日集郵成功。

韓馬利都有份集。

黃智雯都要！